Ýsa
 
Saltfiskur
 
Gellur
 
Skötuselur
 
Ýsa
1-3 hvítlauksrif
1 peli kaffirjómi
1 krukka Mangó chutney
Karrý eftir smekk
 
Sósa:
1 peli kaffirjómi
1 krukka Mangó chutney
Hvítlaukur og karrý
Hrært saman í skál.
 
Steikja fisk á pönnu og krydda með Proventical.
Raða í eldfast mót
Hella sósu yfir, inn í ofn í 15 mín.
 
Ýsa (magn fer eftir fjölda sem ætlar að borða)
1 bakki sveppir
1 laukur
1 paprika
Mild salsa sósa
Nachos osta sósa
Nachos flögur
Rifinn ostur
 
Steikja fisk á pönnu og raða í eldfast mót.
Steikja sveppi, lauk og papriku á pönnu, lækka á hellinni og hella salsa sósunni út á pönnuna.
Hella gumsinu yfir fiskinn, smyrja ostasósunni yfir, mylja flögurnar yfir síðast rifinn ost yfir allt.
Inn í ofn, 200°C þar til ostur bráðnaður.
 
Sjóða hrísgrjón og setja í botninn á eldföstu móti.
Steikja ýsuna á pönnu og krydda með Proventical.
Setja fiskinn ofan á hrísgrjónin.
Sósa:
8 msk létt majónes
3 tsk karrý
Smakka til með ananassafa
Sósu hellt yfir fiskinn og ostur yfir
Inn í ofn á 175°C þar til ostur er farinn að brúnast.
 

Gellur í sparifötunum, fyrir 4-6.

Hráefni:
750 g gellur
250-500 g brokkolí
1 askja púrrulauks smurostur
Sojamjólk eða rjómi
jurtasalt og sítrónupipar
ostur
Aðferð: 
Setjið gellur og brokkolí í eldfast mót og kryddið með jurtasalti og sítrónupipar. Hrærið smurostinn með sojamjólk eða rjóma eftir hvað hver vill. Hellið yfir gellurnar í mótið, setjið rifin ost yfir og bakið í ofni í 200°C í 30 mínútur eða eftir þörfum.

Berið fram með híðishrísgrjónum, speltbrauði og salati.

Saltfiskbollur frá Portugal

Hráefni:
350 gr saltfiskur og 400 gr stórar kartöflur
1 stór rauður laukur saxaður smátt
( mætti bragðbæta með 1-2 rifum af hvítlauk)
2-3 msk söxuð steinselja
3 egg
olía til steikingar
 

Aðferð:  Matreiðsla:
Saltfiskurinn soðinn og svo leystur í sundur.
Kartöflurnar soðnar, afhýddar og stappaðar.
Saltfiski, kartöflum blandað saman og lauk og steinselju.
Eggjunum hrært saman við, einu í senn. Deigið á að vera frekar þykkt en ef það er of þurrt má bleyta í því með svolítilli mjólk.
Olía hituð á pönnu. Bollur mótaðar úr deiginu og steiktar þar til þær eru gullinbrúnar; snúið nokkrum sinnum.
Teknar upp látnar standa á eldhúspappír.
Bornar fram heitar með kartöflum og bræddu smjöri, með grænmetissalati.
Einnig sem meðlæti með soðnu pasta. 
 

Fiskibollur frá Tyrklandi

Hráefni:
700 gr fiskihakk
4 msk. Brauðrasp
½ laukur, gróft rifinn
3-4 msk. Ljósar rúsínur, saxaðar
3 msk. Furuhnetur
Handfylli fersk steinselja, mynta eða kóríander, saxað
1 egg
2 tsk. Tapenade frá Sacla eða tómatmauk
½ msk. Kanill
Salt og pipar
4 msk. Hveiti
4 msk. Olía
 

Aðferð:  Setjið hakkið í skál og blandið öllu nema olíunni saman við.  Mótið bollur og steikið þær í olíu. Berið fram með salati og kúskús.

Skötuselur á grillið

Hráefni:
2 flök skötuselur
150 g sveppir
1stk laukur í sneiðum
1/2 kúrbítur í sneiðum
gulrætur,blómkál,brokkoli,eða það sem er til í ísskápnum
pipar og salt á skötuselinn
1 krukka grænt pestó
krydd eftir smekk á grænmetið

Aðferð:  Setjið grænmetið á álpappír sem hefur verið smurður með ólífuolíu og kryddið með því kryddi sem þið óskið, setjið fiskinn ofaná, smyrjið með grænu pestói. Pakkið fiskinum inn og grillið í sirka 20 mínútur. Á þennan rétt þarf ekki sósu því pestóið og olían mynda nóga sósu. Berið fram með hrísgrjónum og nýbökuðu brauði.
 

Kryddlegnar gellur í eggjahjúp (fyrir 4)

1 kg gellur
1 líter ólífuolía
2-5 hvítlauksgeirar, pressaðir
1 msk engifer, smátt saxað
1 tsk kumin
1 stöngull sítrónugras, saxaður mjög smátt, má sleppa
1/2 tsk salt
1/2 chili-aldin, steinhreinsað og smátt saxað
1-2 tsk paprikuduft
1-2 tsk karríduft
2 egg
1/2 dl mjólk
1 dl hveiti
50 gr smjör

Aðferð:  Setjið gellurnar í sigti og látið renna vel af þeim.  Þurrkið síðan mestu bleytuna af gellunum og setjið í skál ásamt öllu sem á að fara í réttinn nema eggjum, mjólk, hveiti og smjöri.  Blandið vel saman og setjið plastfilmu yfir.  Geymið í a.m.k 5 daga í kæli og alveg upp í 10 daga (ekki djók).  Setjið svo gellurnar aftur í sigti og látið renna vel af þeim. Blandið vel saman í skál eggjum, mjólk og hveiti.  Setjið gellurnar í eggjablönduna og takið síðan eina og eina upp úr blöndunni, steikið í smjöri í 2-3 mín báðum megin.  Berið fram með kartöflum og salati.

 

Saltfisksalat

Hráefni: 4 stórar kartöflur, 1 buff laukur, 4-500 gr soðinn og hreinsaður saltfiskur, 1appelsina.

Aðferð:  Afhíðið kartöflurnar og steikið á pönnu þar til þær eru
ljós brúnar, dreifið á fat.  Því næst er laukurinn skorinn í strimla, gljáður í oliu og settur á kartöflurnar því næst saltfiskurinn.  Appelsínan afhídd skorin í skífur sem er svo raðað á fiskinn.  Borið fram kalt með grófu brauði.